"Сэнд Эм Эн ББСБ" ХХК-ийн Нууцлалын Бодлого 

 

Шинэчлэгдсэн огноо:  

 

"Сэнд Эм Эн ББСБ" ХХК (“SendMN”, “бид”, “манай”, “бидний”) нь “Санхүүгийн Зохицуулах Хороо”-ны зохицуулалт дор, Мөнгөн гуйвуулга, Зээл, Валют арилжаа, болон Итгэлцэлийн үйлчилгээний тусгай зөвшөөрлийн хүрээнд үйл ажиллагаа эрхэлдэг банк бус санхүүгийн байгууллага бөгөөд SendMN 3.0 мобайл аппликейшн (“Апп”)-ийн хөгжүүлэгч, үйлчилгээ үзүүлэгч болно. 

 

Энэхүү Нууцлалын бодлого нь харилцагч SendMN 3.0 апп, вэбсайт, зээлийн үйлчилгээ болон бусад холбогдох үйлчилгээ (цаашид хамтад нь “Үйлчилгээ” гэх)-г ашиглах үед бид харилцагчийн хувийн мэдээллийг хэрхэн цуглуулах, боловсруулах, хуваалцах, хадгалах, хамгаалах тухай тайлбарлана. 

 

Манай үйлчилгээг ашигласнаар харилцагч та энэхүү нууцлалын бодлогод заасны дагуу таны хувийн мэдээллийг цуглуулах, ашиглахыг зөвшөөрч буйд тооцогдоно. Хэрэв та зөвшөөрөхгүй бол манай үйлчилгээг ашиглахаас татгалзана уу. 

 

1. Мэдээлэл хариуцагч 

"Сэнд Эм Эн ББСБ" ХХК нь таны хувийн мэдээллийг цуглуулах, боловсруулахад хариуцлага хүлээнэ. 

  • Хариуцагч байгууллага: Сэнд Эм Эн ББСБ ХХК
  • Компанийн РД ба хаяг: 6052363, Монгол, Улаанбаатар, 14240, Сүхбаатар дүүрэг, Чингисийн Өргөн чөлөө-17, Соёл амралтын хүрээлэн гудамж, Централ Парк Тауэр, 7 давхар.
  • Мэдээлэл хамгаалалтын лавлах холбоо барих: info@send.mn | +976 7000-0909

Хэрэв мэдээлэл хариуцагчтай холбоотойгоор таны хувийн мэдээлэл цуглуулах, боловсруулах, ашиглах үйл ажиллагаанд гомдол санал гарвал Хүний эрхийн Үндэсний Комисст хандаж шийдвэрлүүлэх эрхтэй. 

 

2. Бидний цуглуулах мэдээлэл 

SendMN 3.0 аппликейшнаар бүтээгдэхүүн үйлчилгээ үзүүлэхийн өмнө харилцагч танд цахимаар үйлчилгээний нөхцөл, гэрээг танилцуулах бөгөөд уг үйлчилгээний нөхцөл, гэрээтэй танилцсаны дараа та сайн дураар хүлээн зөвшөөрсөн тохиолдолд бид бүтээгдэхүүн үйлчилгээгээ хүргэхэд шаардлагатай дараах мэдээллүүдийг цуглуулна: 

  • Хувийн мэдээлэл: Овог нэр, регистрийн дугаар, төрсөн огноо, хүйс, иргэншил, иргэний үнэмлэх эсвэл паспортын мэдээлэл
  • Холбоо барих мэдээлэл: Гар утасны дугаар, имэйл хаяг, оршин суугаа хаяг
  • Төрийн мэдээлэл солилцооны системийн мэдээлэл: Иргэний үнэмлэхний лавлагаа, Нийгмийн датгалын тодорхойлолт
  • Данс ба төлбөрийн мэдээлэл: Банкны дансны мэдээлэл, картын мэдээлэл, гүйлгээний түүх,
  • Гүйлгээний мэдээлэл: Гүйлгээний дүн, огноо, зорилго, хүлээн авагчийн харилцаа, давтамж, баримт
  • Хүлээн авагчийн мэдээлэл: Хүлээн авагчийн овог нэр, холбоо барих мэдээлэл, хүлээн авагч банкны нэр, данс эсвэл хэтэвчийн дугаар
  • Ажил эрхлэлт ба орлогын мэдээлэл: Албан тушаал, НДШ-ийн тодорхойлолт, ажлын байрны тодорхойлолт
  • Санхүүгийн мэдээлэл: Зээлийн түүх, өр төлбөр, банкны хуулга, зээлийн эргэн төлөлтийн мэдээлэл
  • Яаралтай үед холбоо барих мэдээлэл: Нэр, холбоо хамаарал, утасны дугаар
  • Зээлийн мэдээллийн сангийн мэдээлэл: Монгол банк эсвэл бусад эрх бүхий байгууллагаас авсан зээлийн мэдээллийн сангийн мэдээлэл
  • Биометрийн мэдээлэл (шаардлагатай бол): Царайны дүрс, видео KYC
  • Төхөөрөмжийн болон техникийн мэдээлэл: IP хаяг, төхөөрөмжийн дугаар (IMEI, MAC), үйлдлийн систем, браузерын төрөл, байршил
  • Харилцагчийн үйлчилгээний мэдээлэл: Гомдол, лавлагаа, чат мессеж, хэрэглэгчийн үйлчилгээний дуудлагын бичлэг
  • Маркетинг ба сонголтын мэдээлэл: Маркетингийн зорилгоор хамрагдсан судалгааны хариулт, урамшууллын оролцоо зэрэг мэдээллүүд

 

3. Мэдээлэл цуглуулах арга 

Бид таны мэдээллийг дараах байдлаар цуглуулна: 

  • Харилцагаас шууд гаргуулан авах (бүртгэл, KYC баталгаажуулалт, гүйлгээ, хэрэглэгчийн дэмжлэг)
  • Вэбсайт cookies, төхөөрөмжийн мэдээлэл зэргээр дамжуулан автоматаар
  • Партнер байгууллагаас (Мөнгөн гуйвуулга, зээлийн үйлчилгээний хамтран ажиллагч санхүүгийн байгууллага)
  • Албан ёсны болон гуравдагч этгээдийн эх сурвалжаас (Төрийн мэдээллийн сан болон хориг жагсаалт, УТНБЭ, хэвлэл мэдээллийн мэдээллийн сан, нээлттэй бүртгэл)

 

4. Мэдээлэл боловсруулах зорилго ба хууль зүйн үндэслэл 

Бид таны хувийн мэдээллийг Монгол Улсын Иргэний хууль, Хүний хувийн мэдээлэл хамгаалах тухай хууль, Банк, эрх бүхий хуулийн этгээдийн мөнгөн хадгаламж, мөнгөн хөрөнгийн шилжүүлэг, зээлийн үйл ажиллагааны тухай, Мөнгө угаах болон терроризмыг санхүүжүүлэхтэй тэмцэх тухай, Кибер аюулгүй байдлын тухай, Кибер аюулгүй байдлыг хангах нийтлэг журам, түүнчлэн холбогдох бусад хууль, тогтоомж, зохицуулагч байгууллагын журам болон SendMN-ийн дотоод бодлого, журмын дагуу цуглуулж, бүртгэж, боловсруулж, хуваалцана. 

Боловсруулах зорилго: 

a. Гэрээний зорилгоор 

  • Мөнгө гуйвуулга, зээл, төлбөрийн үйлчилгээ үзүүлэх
  • Гүйлгээг боловсруулах, баталгаажуулах
  • Шинээр хэрэглэгчийг бүртгэх, баталгаажуулах

b. Хууль, зохицуулалтын шаардлагаар 

  • МУТСТ хуулийн нийцэл, шалгалт, тайлагнал, бүртгэл хадгалах

c. Хуулиар зөвшөөрөгдсөн бусад шаардлагаар 

  • Санхүүгийн луйвар, залилан илрүүлэх, урьдчилан сэргийлэх
  • Мэдээллийн аюулгүй байдал, эрсдэлийн удирдлага, үйлчилгээний сайжруулалт
  • Хувийн мэдээллийн үнэн зөвийг хангах, харилцагчийг таньж баталгаажуулах

d. Харилцагчийн хэрэгцээ шаардлагаар 

  • Харилцагчийн хэрэгцээнд нийцсэн бүтээгдэхүүн, үйлчилгээ үзүүлэх, чанарыг сайжруулах
  • Харилцагчийн санал, гомдлыг судалж, шийдвэрлэх

e. Аюулгүй байдлын шаардлагаар 

  • Харилцагчийн хувийн мэдээлэл, болон компанийн систем байгууламжийг мэдээллийн аюулгүй байдлын эсрэг халдлагаас хамгаалах

f. Харилцагчийн зөвшөөрлөөр авч боловсруулах нэмэлт мэдээллүүд  

  • Биометрийн баталгаажуулалт
  • Маркетинг болон судалгааны зорилгоор нэмэлтээр мэдээлэл авах

 

5. Автомат хяналт 

Бид автоматжуулсан систем ашиглан цахим луйвар, залилантай холбоотой хяналт, шалгалт болон гүйлгээний эрсдэлийн үнэлгээ хийдэг. Энэ нь гүйлгээг түр саатуулах, барилтад оруулах, хаах, эсвэл гүйлгээг цуцлаж болно. Хэрэв та манай компанийн автомат хяналт нь таны эрх ашигт сөргөөр нөлөөлсөн гэж үзвэл манай компанид санал гомдолоо хүргүүлэн холбоотой гүйлгээг шалгуулах эрхтэй. 

 

6. Аппликейшн ашиглах насны хязгаар 

SendMN 3.0 аппликейшны үйлчилгээг 18 ба түүнээс дээш насны хүмүүс ашиглана. Хэрэв насанд хүрээгүй хүүхдийн хувийн мэдээлэл аппликейшнд цуглуулагдсан тохиолдолд тухайн бүртгэлийг хааж, мэдээллийг устгана. 

 

7. Мэдээлэл хадгалах хугацаа 

Бид таны хувийн мэдээллийг зөвхөн хууль, журамд заасан зорилго болон хугацаагаар хадгална: 

  • KYC болон гүйлгээний бүртгэл: Харилцаа дууссанаас хойш хамгийн багадаа 5 жил (МУТСТ хуулийн дагуу)
  • Харилцагчийн үйлчилгээ, гомдлын бүртгэл: 1 жил хүртэл эсвэл хуульд заасан тохиолдолд урт хугацаагаар
  • Санхүүгийн луйвар, залилантай холбоотой мөрдөн шалгалтын мэдээлэл: Санхүүгийн гэмт хэргээс урьдчилан сэргийлэх шаардлагатай хугацаагаар
  • Маркетингтай холбоотой болон бусад мэдээлэл: Харилцагч зөвшөөрлөө цуцлах хүртэл
  • Бид өөрсдийн үйлчилгээг сайжруулах зорилгоор лавлах утсанд холбогдсон дуудлагын аудио бичлэгийг хуульд заасан хугацаагаар хадгална. 

Хугацаа дуусмагц мэдээллийг аюулгүй байдлыг хангасан нөхцөлд устгах эсвэл нэргүйжүүлнэ. 

 

8. Харилцагчийн эрх 

Харилцагч Монгол Улсын хүний хувийн мэдээлэл хамгаалах тухай хууль -д заасны дагуу дараах эрхтэй: 

  • Хандах эрх: Харилцагч “SendMN 3.0” апп дахь өөрийн хувийн мэдээлэл болон дансны мэдээллийнхээ хуулбарыг авах эрхтэй
  • Засварлах эрх: Харилцагч “SendMN 3.0” апп дахь өөрийн буруу, дутуу мэдээллийг засварлуулах эрхтэй бөгөөд бид харилцачгийн хүсэлтээр түүний мэдээлэлд өөрчлөлт оруулах, засах арга хэмжээг хэрэгжүүлнэ
  • Устгуулах эрх: Хуульд заасан онцгой нөхцөлөөс бусад тохиолдолд харилцчг өөрийн хувийн мэдээллийн халдашгүй байх эрхээ хэрэгжүүлэх хүрээнд бидэнд олгосон мэдээлэл цуглуулах, боловсруулах, ашиглуулах зөвшөөрлөө цуцлах болон хадгалагдаж буй өөрийн мэдээллийг устгуулах хүсэлт гаргах эрхтэй
  • Боловсруулалтыг хязгаарлуулах эрх: Тодорхой нөхцөлд мэдээллийн боловсруулалтыг хязгаарлуулах
  • Өгөгдөл зөөврийн эрх: Өөрийн мэдээллийг уншигдах боломжтой форматаар авах
  • Зөвшөөрлөө буцаах эрх: Боловсруулахыг зөвшөөрсөн өөрийн мэдээллийг хүссэн үедээ цуцлах

Харилцагч эрхээ эдлэхтэй холбоотой хүсэлтийг info@send.mn хаягаар хандаж хангуулна. 

 

9. Хувийн мэдээллийг дамжуулах 

Бид харилцагчийн мэдээллийг Монгол улсын болон ОУ-ын холбогдох хууль, дүрэм журам, захирамж, тогтоомжийн хүрээн дэх тайлагналын шаардлагуудыг биелүүлэх, гэмт хэргээс урьдчилан сэргийлэх, илрүүлэх, мөрдөн шалгах үйл ажиллагааг дэмжих, мөнгөн гуйвуулга, зээл болон бусад бүтээгдэхүүн үйлчилгээг харилцагчид амжилттай хүргэх зорилгоор хамтран ажилллагч, зохицуулагч болон хууль сахиулах байгууллагуудад зөвхөн хууль, журмын шаардлагын хүрээнд дамжуулна. 

  • Үйлчилгээ үзүүлэгчид (төлбөрийн процессор, МУТСТ холбоотой үйлчилгээ үзүүлэгчид)
  • Олон улсын гүйлгээний түнш байгууллагууд (мөнгөн гуйвуулгын гүйлгээг боловсруулах зорилгоор)
  • Зохицуулагч байгууллагууд (Монгол улсын зохицуулагч байгууллага, хууль сахиулах байгууллага)
  • Бизнесийн хэлцэл (Компаний бизнесийн үйл ажиллагааны хувьд өөр байгуулагтай нэгдэх, бүтцийн өөрчлөлт хийхэд)

Бид хууль журмын хүрээнд мэдээлэл дамжуулсан байгууллага бүрээс харилцагчийн мэдээллийг хуулийн дагуу хамгаалж ажиллахыг шаардана. 

 

10. Мөнгөн гуйвуулга  

Мөнгө гуйвуулгын үйлчилгээний онцлогоос шалтгаалан харилцагчийн мэдээлэл гадаад улс дахь партнер байгууллага руу дамжуулагдаж болно. Энэ тохиолдолд бид Монголын улсын хуульд нийцүүлэн, хууль эрх зүйн хамгаалалт (гэрээний нөхцөл, олон улсын гэрээ, харилцагчийн зөвшөөрөл)-аар хамгаална. 

 

11. Зээлийн үйлчилгээний мэдээлэл ашиглалт 

Харилцагч зээл авах эсвэл зээлийн үйлчилгээг ашиглах үед бид зээлийн эрх тогтоох, зээлжих зэрэглэлийг тогтооход шаардлагатай нэмэлт мэдээллийг авч боловсруулна. Үүнд: 

  • Ажил эрхлэлт, орлогын мэдээлэл
  • Санхүүгийн болон зээлийн түүх

Цуглуулсан мэдээллийг зээлийн хүсэлтийг үнэлэх, зохицуулагч байгууллагын шаардлагыг биелүүлэх, Зээлийн мэдээллийн төвд тайлагнах, зээлийн эргэн төлөлтийг удирдахад ашиглана. Зээлтэй холбоотой мэдээлэл нь зээлийн харилцаа дууссанаас хойш хамгийн багадаа 5 жил хадгалагдана. 

 

12. Мэдээллийн аюулгүй байдал 

Бид харилцагчийн мэдээллийг хамгаалах зорилгоор дараах техникийн болон зохион байгуулалтын арга хэмжээг хэрэгжүүлнэ: 

  • Харилцагчийн мэдээллийг хадгалах болон дамжуулахдаа шифрлэх
  • Харилцагчийн хандалтыг давхар баталгаажуулах
  • Харилцагчийн хандалтыг тогтмол бүртгэж хянах
  • Мэдээллийн аюулгүй байдлын зөрчил ба мэдээлэл алдагдахад хариу арга хэмжээ авах

Харицлагчийн өөрийн буруутай үйл ажиллагаанаас шалтгаалан нэвтрэх эрхээ бусдад алдсанаас үүдэлтэй учирсан аливаа хор, хохиролд “Сэнд Эм Эн ББСБ” ХХК хариуцлага хүлээхгүй болно. “Сэнд Эм Эн ББСБ” ХХК нь хэрэглэгчийн хандах эрхийг ашиглан мэдээлэлд нэвтрэх боломжгүй юм.   

 

13. Зөрчил мэдэгдэх 

Хэрэв кибер халдлага, эрх бүхий албан тушаалтны алдаатай үйл ажиллагаа, эсхүл программ хангамж болон мэдээллийн санд гэмтэл гарсны улмаас харилцагчийн таны хувийн мэдээлэл алдагдсан тохиолдолд бид таны бүртгүүлсэн имэйл хаяг, гар утасны дугаараар дамжуулан даруй мэдэгдэж, мэдээллийг хамгаалах арга, алхамын зааварчилгааг өгч ажиллана. 

 

14. Маркетинг ба харилцаа 

Мэдээллийн аюулгүй байдал, болон компаний үйлчилгээтэй холбоотойгоор бид харилцагчид зайлшгүй шаардлагатай мэдээлэл (гүйлгээний мэдэгдэл, аюулгүй байдлын сэрэмжлүүлэг)-ийг илгээнэ. Харилцагч танд бид маркетингийн зорилгоор бүтээгдэхүүн үйлчилгээний мэдээлэл илгээх, судалгаа авч болно. Харилцагч хүссэн үедээ аппликейшний тохиргоо, имэйл линк эсвэл бидэнтэй холбогдон мэдээлэл хүлээн авахаас татгалзах боломжтой. 

 

15. Гуравдагч этгээдийн холбоос 

Манай үйлчилгээ партнер байгууллагын вэбсайт, аппликейшн руу чиглэсэн холбоос агуулж болно. Тэдгээрийн нууцлалын бодлого нь тусдаа мөрдөгдөх бөгөөд бид тэдгээрийн үйл ажиллагаанд хариуцлага хүлээхгүй. 

 

16. Бодлогын өөрчлөлт 

Энэхүү бодлого үе үе шинэчлэгдэж болно. Чухал өөрчлөлтийг аппликейшн, вебсайт эсвэл имэйлээр дамжуулан мэдэгдэнэ. Шинэчлэлт нийтлэгдсэн даруй хүчин төгөлдөр болно. 

 

17. Орчуулга 

Энэхүү бодлого нь монгол англи болон хятад хэлээр нийтлэгдэнэ. Хэрэв орчуулга хооронд зөрүү гарвал Монгол хэл дээрх хувилбар нь хүчин төгөлдөр байна. 

 

18. Холбоо барих мэдээлэл 

Хэрэв танд асуулт, санал, гомдол байвал бидэнтэй дараах хаягаар холбогдоно уу: 

Сэнд Эм Эн ББСБ ХХК 

  • Имэйл: info@send.mn
  • Утас: +976 7000-0909
  • Хаяг: Улаанбаатар хот, Сүхбаатар дүүрэг, 1-р хороо, Чингисийн өргөн чөлөө-17, Үзвэр үйлчилгээний гудамж, Төв Парк тауэр, 7-р давхар